صعب و اصعب

صعب ان يضيع الحب الصادق نتيجه لامر تافه ..والاصعب ان يستمر الفراق بالرغم من ان
كل طرف ينتظر اشاره الرجوع من الطرف الاخر

ملاحظة: مش عارف انا ليه كل ما اجى اكتب اكون نايم!! يا ترى ليه؟؟؟؟؟!!!!!!!

هى الناس بقت كده ليه؟

انا سيارتى تعرضت لكسر الزجاج مرتين و محاولة السرقة

مرة فى شارع فرعى من شارع الهرم الساعة 11 صباحا و الشارع يعتبر شارع شبه رئيسى حيث انه بجانب اخناتون مول
تم كسر الزجاج الايمن الامامى و تمت سرقة حقيبة لا يوجد بها غير بعض الاوراق و حمدا لله كانت صورة البطاقة موجودة فى هذه الحقيبة و من الواضح ان هذا السارق لم يجد فى الحقيبة ما يستحق قرماها فى الشارع فوجدها شخص طيب و احضرها لى فى العنوان الدون فى البطاقة

مرة تحت منزلنا يوم الجمعة الساعة 9 صباحا و كان فيها ظرف فيه شهادة التخرج و من الواضح ان من حاول السرقة بعدما كسر الزجاى الخلفى الايمن و حاول فتح الباب فتفاجأ بانذار السيارة فهرب لانى وجدت البواب يخبرنى بكسر الزجاج و عندما نزلت لأتفقد السيارة فوجدت الباب الايمن الخلفى مفتوح و الزجاج مكسور و لكن حمدا لله الشهادة موجودة

يا ترى الناس بقت كده ليه, هى الدنيا بقى فيها ايه, ليه مصر مبقاش فيها امان
هل ظروف الناس صعبة لدرجة المغامرة علشان ورق

انا بعد كده قررت انى مش هسيب كيس شيبسى فاضى فى العربية

لا تدخن

يا عزيزى يا عزيزتى





لماذا تضر صحتك بيديك و بمالك, و اذا اصررت على ان تضر نفسك لماذا تضر من حولك و هم اقرب الناس اليك (زوجتك , ابناءك او حتى اقرب اصدقائك)





تصريح للدكتور حمدى السيد نقيب الاطباء فى جريدة المصرى اليوم فى العدد١٣٧١ بتاريخ السبت 15-3-2008:


مصر تخسر 15 مليار جنية سنويا بسبب التدخين, عاجبكم كده, 15 مليار!!!!!!!!!! و الشعب مش لاقى باكل!!!, حاجة غريبة مش كده برضه





ايه بقى الفائدة من السيجارة


صحة و بتضيعها


فلوس و بتبددها








امال هتستفيد ايه؟!!!!!











رجاء الحفاظ على صحتنا و صحتكم و امتنعوا عن التدخين


ملاحظة اخيرة: لاحظت فى الفترة الاخيرة زيادة عدد البنات المدخنات
هو انا بصراحة مش عارف هم زادوا الفترة الاخيرة ولا هم زيادة من زمان وانا مش حاسس
بس انا فى يومين متتالين شاهدت فتاتين يبدوا عليهما الاحترام و تدخنان فى وسط الطريق بس بصرحة شكلهم كان سئ جدا

الاهلى يفوز فى القمة

فاز النادى الاهلى فى مبارة مملة جدا 2-0 فى مبارة القمة 101 بين صاحب المركز الاول و المركز الرابع!
احرز هدفى الاهلى فى مبارة القمة احمد فتحى و اخيرا احرز عماد متعب هدفا من خطأ ساذج من بشير التابعى
انتهت نتيجة الشوط 0-0 و كان شوط لا يوجد فيه كرة الا كرة اضاعها مصطفى جعفر بغرابة شديدة لم يكن يستطع ان يضيعها لو اراد
و فى الشوط الثانى احرز الاهلى هدفى اللقاء و لم يحتسب الحكم ضربة جزاء للاعب الزمالك جمال حمزة اثر اصتدام حارس الاهلى امير عبد الحميد به بل و انذر اللاعب و كانت انذارات الحكم زائدة عن الحد و ان كانت باقى قراراته سليمة الى حد كبير

امير عبد الحميد لم يختبر بصورة كبيرة فى المبارة الا من كرة لاحمد عبد الرؤوف ناشئ الزمالك و بعض الكرات السهلة فى منتصف المرمى

الهايد بارك

هايد بارك هى حديقة فى لندن يتحدث فيه الناس كما يريدون و يفضفضوا لبعض بدون معرفة سابقة و بدون خوف من تسرب هذه الفضفضة و هى حل رائع جدا للتخلص من المشاكل و المواضيع اللى بتضايق الناس بدلا من الاكتئاب

و هذه المدونة هى هايد بارك الخاصة بى اتكلم فيها بكل ما اريد بدون اى تفكير