لماذا؟

لماذا لا يطاوعنى قلمى كلما حاولت ان استخدمه للتعبير عن فيضان المشاعر الذى يزلزلنى؟

لماذا اشعر دائما باليأس و الملل من اى و كل شئ و انا فى عز فرحتى؟

لماذا لماذا؟



لماذا اشعر دائما بالغربة و انا فى بلدى و فى وسط اهلى؟

لماذا لا يتم التعامل مع الانسان بانسانية سواء فى الدول المتقدمة او النامية او العالم الثالث؟

خايف ملاقيش مصر

قصيدة اخرى للمتميز على سلامة

ساعات بقلق بالليل

يعني بالليل شوية كده

قبل الفجر

حسب الظروف كده

بعد العصر

خايف يوم أصحي..

وأفتح الشباك..

مالاقيش مصر

ألاقيها لمت هدومها ومشيت

لمت هدومها

علي نيلها

علي هرمها

وطفشت

وحلفت ميت يمين ماهي قاعدلنا

ماهي زهقت.. تعبت..
إتخنقت

أصلنا زودناها..

أكننا استعمرناها..

ورثناها

مصر البنوتة

الحلوة اللي زي القمر

بقت عجوزة وشايبة وبان عليها الكبر

خايف يوم أصحي..

وأفتح الشباك

..مالاقيش مصر

على سلامة

على باب سفارة كندا

قصيدة رائعة للمتميز على سلامة

...على باب سفارة كندا

..لمحت ابليس و ف ايده استماره

..بقول له على فين

..قاللي بص

..يا هجره يا اعاره

..يا عم زهقت كفرت..الاقيش معاك سيجاره

..انا انتهيت خلاص

..لا نافع وسواس ولا خناس

..ولا ليا عيش وسط الناس

دي عالم مجرمين

..عندكوا فائض ف الفساد..في كل البلاد

..ومش محتاجين شياطين

..مليش عيش ف البلد دي

....بقالي سنين عاطل

...و انتوا بتعرفوا

..تقلبوا الحق باطل

..و تسلكوا القاتل

..و تمشوا ف جنازة المقتول

..ومفيش مشاكل

..يا عم ده انا بقيت أوسوس بالمقلوب

...و أقول للحرامي كفايه بقى توب

..انت هاتعمل كل الذنوب لوحدك

...و أنا ابليس أشتغل واعظ

..ولا كمساري ف اتوبيس

..يا عم ده انا زمان..كنت استنى حد ينسى يسمي

..وهو بياكل لقمته

..دلوقتي كل اكلكم ملوث

..و بصراحه الواحد خايف على صحته

...ده مفيش ضمير اساسا..عشان اموته

..و كل واحد بمزاجه..خربانه ذمته

...يا عم ده كل حاجه اتسرقت

..وكده الاجيال الجديده..م الحراميه اتظلمت

..يا راجل ده من كتر ما لطشت معايا

..خرجت ف مظاهر

ه..مع الناس اللي بتقول كفايه

...و برضه مفيش فايده

على سلامة

اعتزال الفنان

اذا سألت احد الاهلاوية بتحب مين فى الزمالك ستسمع اجابة بدون تفكير "حازم امام", و لا يشاركه فى هذا الشرف سوى هادى خشبة و وليد صلاح الدين من الاهلى فى جيله. ها قد وصل حازم الى السنة الثالثة و الثلاثين و اعلن اعتزاله

اعتزل الفنان حازم محمد يحيى الحرية امام محبوب الاهلاوية قبل الزمالكاوية, اعتزل صاحب الخلق الدمث ذو الوجه البرئ, و كان حازم اليوم ضيف "منى الشاذلى" فى برنامج العاشرة مساءا و اكتشفت انه شخص مثقف و قد تفاجأت بهذا مثلما تفاجأت "منى"

انا شخصيا من محبى حازم الاهلاويين و ان كنت اتمنى له الا يعتزل لكنه اختار الوقت المناسب جدا فهو الان لا يستطيع الاداء بصورة ترضيه قبلان ترضى الجماهير و اعتقد انه لن يجد وقت افضل منالفوز بكأس مصر لاعلان اعتزاله

و كما اعلن حازم انه لن يدخل اتخابات الزمالك القادمة لانه يحتاج فترة للراحة و استرداد قوته بعد فترة من التعب فى ممارسة الكرة, انا منتظر حازم فى الانتخابات بعد القادمة ليساعد فى النهوض بالزمالك لانه من ابناء الزمالك المخلصين مثل والده حمادة امام


بالتوفيق لحازم فى حياته القادمة كاعلامى كما اعلن اليوم للعاشرة مساءا

ازمة الثانوية العامة

اريد ان احيى وزير التعليم يسرى الجمل على امتحانات الثانوية العامة لهذا العام لسببين
اولا: استطاع ان بلهى الرأى العام المصرى لمدة شهر كامل عن مشاكل البنزين و تراخيص السيارات و ارتفاع جميع الاسعار و جميع المشاكل المعتادة
ثانيا (و ده بجد بقى): هو المطلوب ان نتيجة الثانوية العامة تكون معجزة و نصف الطلبة اللى داخلين الامتحان يجيبو فوق ال 90 %, ازاى يعنى؟؟
النتيجة الطبيعية العلمية فى الدول الطبيعية (الىى طلبتها مش طلبة عباقرة زى عندنا) ان معظم الناس تكون فى حدود 75-85% و المتفوقين يكونوا فوق ال85% و الغير متفوقين تحت ال70%, انا لا اطالب ان يسقط الطلاب لكنى اطالب ان تكون النتائج طبيعية وان يكون صاحب ال90% فعلا يستحقها

و ان كنت اتمنى ان يكون هذا هو قصد الوزير لكنى اشك انه يقصد هذا الهدف و لكن للاسف الحلو ميكملش فيطلع البيه و يقولك هنعيد توزيع الدرجات,
مين يا خويا؟؟؟؟؟؟ يعنى اللى استفدته ضيعته تانى (علشان كده اشك انه يقصد الهدف التانى السابق ذكره) و كمان ازاى يكون الطالب بيحل سؤال و هو عارف ان عليه 5 درجات يروح البيه يخليه بدرجتين بس علشان باقى الطلبة مش عارفين يحلوه, يعنى الواد ذنبه انه ذكى,
و حاجة كمان طالما انت عارف ان السؤال ده صعب و مينفعش الطلبة البهوات بتوعنا اللى بياخدوا المنهج فى كوبايات عصير الدروس الخصوصية يحلوه بتحطه ليه و بعدين تغير توزيع الدرجات يا اما تشيل السؤال يا أما تكون درجته بسيطة علشان كا الطلبة تكون نتيجتها 98 % ولا هى منظرة ووجع دماغ على الفاضى

بالنسبة للطلاب بقى: صعوبة الامتحان فى صالحكم لانه سيهدئ من المجاميع و ينزل المتوسط طالما الصعوبة على الجميع, و هنا يظهر الفارق بين الطالب المتوسط و المتفوق بدلا من ان يكون كليهما مجموعه 95% فعندما كانت المتحانات صعب فى الفترات السابقة و يدخل الطلاب كلية الطب ب 70 % و اقل, و بسبب ان النتائج الخرافية 98% و 102% بقى اللى بيجيب 95% مش لاقى كلية و الكلام ده مكانش موجود زمان علشان كده كانت الدنيا بخير.
و عندما ينزل متوسط المجموعات سيستطيع الطالب الذى يكون مجموعه 80 او 85 % يدخل كليه محترمة لم يكن فى استطاعته دخولها بال 95 %التى كان سيصل لها لو كان الامتحان سهل لان هناك احد المتوسطين ربنا موفقه و عرف يحل شوية و يأخذ مكانه فى الكلية


اتمنى من الوزير ان يستمر على هذا النظام والا يضيعه باعادة توزيع الدرجات ليكون التنسيق افضل, و ارجو من الطلبة الا يتأثروا بهذه الصورة انا سمعت كلام زى مؤامرة , تعجيز و كلام عجيب كده, اللى ربنا كاتبه هيجى و طالما عملت اللى عليك فربنا هيوفقك و تأكد ان صعوبة المتحان لصالحك و ليس ضدك.

ملاحظة اخيرة: معظم الامتحانات الصعبة كانت فى قسم علمى رياضة و هو على اى حال تنسيقه هادئ قليلا فصعوبة الامتحانات لن ثؤثر كثيرا على النتيجة.

مبروك لاسبانيا.. حظ اوفر للالمان

فاز الافضل و خسرنا المتعة

فى مبارة قريبة من الفريقين فاز المنتخب الاسبانى بكأس الامم الاوربية للمرة الثانية فى تاريخهم, كانت فرصة وحيدة للمنتخب الالمانى قادرة عل ان تقلب نتيجة المبارة, و كانت فرص المنتخب الاسبانى اكثر و اخطر و كانوا افضل من الماكينات الالمانية, استطاع المنتخب الاسبانى ان يسيطر على زمام المبارة و احرز الماتادور الاسبانى لاعب ليفربول فرناندو توريس هدف المبارة الوحيد فى مرمى نجم المبارة الاول ينز ليمان من خطأ وحيد للدفاع الالمانى, و قد انقذ ليمان مجموعة من الفرص الاسبانية الخطيرة التى جعلتى ارى انه رجل هذه المبارة.

استطاع المنتخب الالمانى ان يدافع جيدا لكنه فشل فى الهجوم و لم يقم الالمان تقريبا بأى هجمات خطيرة و هو ما تفوق فيه الاسبان فقد هاجموا بقوة و دافعوا بتنظيم.

المبارة كل كان يغلب عليها الخوف فلم تكن هناك متعة كعادة المباريات النهائية يكون التأمين و الخوف هو العامل الرئيسي و نفتقد المتعة


مبروك للاسبان و العجوز لويس اراجونيس و حظ افضل للالمان و مدربهم الواعد لوف.

In a close game the spanish natioal team has won over the German team. With this win the spanish achieves thire second EURO title in thier history. Spanish team was better than the Germans. The spanish make more effictive chances and they controls the match. The spanish matadore Fernando Torres can score the only goal in the game when he make use of the only fault from the German defence. German Goal keeper Jens Lehman was able to save many dangerous spanish chances which make him nomited as the man of the match.

German was able to defence well but they can't attack well and they can't make any noticable chances. In the other hand, spanish was able to have organized defence and they attack well which make them leads.

Die deutsche Mannschaft verliert gegen das spanische National-Team im EM-Endspie. Die Deutschen waren nich so gut. Sie war nicht so gut wie die Spanier. Spanien hat mehr chancen als Deutschland

اليوم الكبير فى اوروبا

اليوم الكبير فى اوروبا
اليوم مبارة نهائى كاس الامم الاوربية 2008 بين المانيا و اسبانيا
ننتظر مبارة جميلة

The big day in EURO
Today Germany and Spain will play the EURO 2008 final
Expecting a nice game

Der große tag der EURO
Deutschland und spanien sind EURO 2008 Finalisten
wir warten schön spiel